La Ultima Escapada de la Legendaria (The Last Escapade of the Legendary)

         
  "That's what you get when you let your heart win whoaaa.." tumunog ang aking alarm clock oras na pala gumising sapagkat ika-28 na pala ng Oktubre itong araw na pala ang field trip ng aking kapwa mga estudyante. Isa ata ako sa mga taong pinakanatutuwa nung araw na iyon sapagkat pupuntahan namin ang Tanay, Rizal. Bago ang araw na yun, nanaliksik muna ako ukol sa lugar na iyon. Isa pala ang itong magandang lugar na maaring puntahan.



Umalis kami sa aming lugar ng eksaktong 4:00 am sapagkat malayo layo ang lugar ng Tanay, Rizal.

Bago kami makarating sa aming destinasyon ay mahaba ang biyahe na aming tinahak. Nagpapasalamat kami sapagkat walang traffic nung araw na iyon. Isa pa ay matarik din ang aming dinaan bago kami makarating sa aming pupuntahan. Pagkatapos ng apat na oras na biyahe, nakarating na kami sa Ten Cents To Heaven Leisure Camp. Pagbaba pa lang namin sa aming sasakyan, sumalubong sa amin ang napakalamig na hangin. Tipong wala kami sa bansang Pilipinas kundi nasa ibang bansa kami dahil sa malamig na panahon.

Ito ang mga inaalok ng management ng Ten Cents to Heaven sa kanilang mga panauhin.

Pagtapos nami kumuha ng kaunting mga litrato ay dumiretso na agad kami sa camp cafe upang ilagay ang aming mga gamit.

 Matapos iaayos ang aming mga dalang gamit ay tumungo kami sa pagdadausan ng team building.

Pagkatapos namin magkaroon ng team building sinubukan naman namin ang zipline. Dalawa ang zipline ng Ten Cents to Heaven yung isa ay yung pinakamahaba at yung pangalawa ay yung maikli. Ang sinubukan lang namin ay yung maikli. Kahit maikli ang zipline na aming sinubakan ay sulit pa din sapagkat makikita mo ang kagandahan ng buong lugar at makikita mo ang longest mountain range ng Pilipinas ang Sierra Madre. 

Pagtapos namin mag zipline ay tumawid kami sa hanging bridge. Noong una ay nakakatakot ito sapagkat nagalaw ang bridge kapag inuuga ng mga kasama mo at ang kapasidad nitong hanging bridge ay na 30 na katao lamang. Isa to sa pinakamasayang hanging bridge na nadaanan ko sa aking buhay bukod sa mahaba ito ay nakakatakot talaga ang tunog nito na tila masisira ito.

Pagkatapos namin tumawid sa hanging bridge ay madadaanan namin ang rappelling at rock wall climbing. Hindi na namin ito nasubukan sapagkat kailangan na namin pumunta sa camp cafe upang kumain ng tanghalian.

Sa camp cafe kami kumain ng aming tanghalian. Ang offer ng Ten Cents to Heaven pagdating sa pagkain ay buffet style. Masarap ang pagkain na kanilang inihahanda sa kanilang mga bisita. Masarap na ang pagkain na kanilang inihanda, mamamangha ka rin sa view na iyong makikita dahil masisilayan mo ang Sierra Madre habang ikaw ay kumakain.

Pagtapos naming kumain ay namahinga muna kami dahil ang susunod naman naming gagawin o susubukan ay ang kanilang swimming pool. Maganda at masaya dito sapagkat hindi lang normal na swimming pool ang makikita mo. Makikita mo rin ang view ng Sierra Madre. 

Ito na rin ang huling aktibidad na aming ginawa sapagkat kailangan na naming umuwi ng maaga sa kadahilanang matarik ang ang dadaana at delikado. Kahit ganoon ay sulit ang mga matarik na daanan kung makikita mo ng personal ang lugar. Malayo sa polusyon tanging sariwang hangin lamang. Malamig din ang klima dito. Kaya napakasarap puntahan o bisitahin ng pamilya man o barkada.  :)